Jizzax viloyati IIBda jamoat xavfsizligini taʼminlash boʻyicha vazifalar belgilab olindi
2026-08-11 15:00:00 / Yangiliklar
Jizzax viloyati IIB boshligʻi rahbarligida kengaytirilgan yigʻilish oʻtkazildi. Yigʻilishda “Xavfsiz va sogʻlom yurt” oyligi doirasida amalga oshirilayotgan ishlar, jinoyatchilikning oldini olish va unga qarshi kurashish, mahallalarda xavfsiz muhitni taʼminlash hamda jamoat osoyishtaligini saqlash borasidagi chora-tadbirlar muhokama qilindi.
Kun tartibidagi masalalar yuzasidan masʼul rahbarlarning axborotlari eshitilib, faoliyatda aniqlangan kamchiliklarni bartaraf etish, belgilangan vazifalar ijrosini kuchaytirish yuzasidan tegishli koʻrsatma va topshiriqlar berildi.
Yigʻilish yakunida jamoat tartibini saqlash, kriminogen vaziyatni barqaror saqlash, huquqbuzarliklarning oldini olish va aholi xavfsizligini taʼminlashga qaratilgan aniq vazifalar belgilab olindi. Ushbu topshiriqlarning ijrosi masʼul rahbarlarga yuklatildi.
Jizzax viloyati IIB Axborot xizmati