Kriminologiya tadqiqot instituti huzuridagi Ekspertlar komissiyasi navbatdagi yigʻilishini oʻtkazdi
2026-08-11 14:20:00 / Yangiliklar
Oʻzbekiston Respublikasi Kriminologiya tadqiqot instituti huzuridagi Ekspertlar komissiyasining navbatdagi yigʻilishi boʻlib oʻtdi. Yigʻilish davomida kriminologiya sohasiga oid qator muhim masalalar muhokama qilindi.
Jumladan:
- mahallalarda kriminologik metodikalarni tajriba-sinovdan oʻtkazish tartibini belgilashga oid normativ-huquqiy hujjat loyihasi;
- normativ-huquqiy hujjatlar loyihalarini kriminologik ekspertizadan oʻtkazish tartibini takomillashtirish masalalari;
- Toshkent viloyatida jinoyatchilikni tadqiq qilish boʻyicha ilmiy-amaliy tadqiqot hisoboti;
- yoshlar oʻrtasida jinoyat va huquqbuzarliklarning oldini olish metodikasi;
- Buxoro viloyatidagi firibgarlik jinoyatini tadqiq qilish boʻyicha ilmiy-amaliy tadqiqot loyihasi hisoboti;
- odam savdosi jinoyatini tadqiq qilish boʻyicha ilmiy-amaliy tadqiqot natijalari koʻrib chiqildi.
Muhokamalar davomida taqdim etilgan ilmiy-amaliy tadqiqotlar, metodikalar va normativ-huquqiy hujjat loyihalari yuzasidan ekspertlar tomonidan tegishli fikr va takliflar bildirildi. Yigʻilish yakunida koʻrib chiqilgan masalalar yuzasidan ilmiy-amaliy tadqiqotlarni yanada takomillashtirish boʻyicha tavsiyalar belgilandi.
Oʻzbekiston Respublikasi Kriminologiya tadqiqot instituti