Xotin-qizlarning maʼnaviy salohiyati va psixologik barqarorligini mustahkamlashga qaratilgan tadbir oʻtkazildi
2026-08-11 12:25:00 / Yangiliklar
Andijon viloyati IIB tizimida xizmat qilayotgan xotin-qizlar ishtirokida oilaviy munosabatlar, sogʻlom turmush tarzi va maʼnaviy-axloqiy qadriyatlarni mustahkamlashga bagʻishlangan davra suhbati hamda “Stresslarni oldini olish va ruhiy barqarorlik” mavzusida psixologik trening mashgʻulotlari tashkil etildi.
Tadbir davomida mutaxassis tomonidan oilada sogʻlom psixologik muhitni shakllantirish, oʻzaro hurmat va ishonchni mustahkamlash, stressni boshqarish, kasbiy faoliyat bilan oilaviy hayot oʻrtasidagi muvozanatni saqlash kabi muhim masalalar yuzasidan ishtirokchilarga amaliy tavsiyalar berildi.
Shuningdek, psixologik treninglar orqali xotin-qizlarning ruhiy barqarorligini mustahkamlash, jamoada sogʻlom muhitni taʼminlash va xizmat samaradorligini oshirishga qaratilgan interaktiv mashgʻulotlar oʻtkazildi.
Bunday tadbirlar xodimlarning maʼnaviy-psixologik holatini mustahkamlash, oilaviy farovonlikni taʼminlash hamda xizmat faoliyatida yuksak natijalarga erishishga xizmat qiladi.
Andijon viloyati IIB Axborot xizmati