Sud tizimi xodimlari bilan kiberjinoyatlarni oldini olish borasida amaliy seminar oʻtkazildi
2026-08-08 14:05:00 / Yangiliklar
Jinoyat ishlari boʻyicha Toshkent shahar sudida IIV Kiberjinoyatlarga qarshi kurashish departamenti rahbariyati ishtirokida “Kiberjinoyatlar va bank kartalari bilan bogʻliq firibgarliklarning oldini olish” mavzusida amaliy seminar boʻlib oʻtdi.
Tadbirda Jinoyat ishlari boʻyicha Toshkent shahar sudi va poytaxtning barcha tuman sudyalari, sud apparati xodimlari hamda tizim mutaxassislari ishtirok etdi.
Seminar ishtirokchilarning kibergigiyena va axborot xavfsizligi boʻyicha bilimlarini oshirishga qaratildi.
Tadbirda internet va ijtimoiy tarmoqlarda uchrayotgan soʻnggi firibgarlik sxemalari va ularning huquqiy oqibatlari, bank plastik kartalaridan mablagʻlarni noqonuniy oʻzlashtirish va soxta havolalar (fishing) orqali shaxsiy maʼlumotlarni oʻgʻirlash holatlarining tahlili, Sud xodimlari va fuqarolarning raqamli xavfsizligini taʼminlash, zaifliklarni aniqlash hamda raqamli gigiyena qoidalariga qatʼiy rioya etish masalalari yuzasidan tavsiya va tushunchalar berildi.
Uchrashuv yakunida Departament rahbariyati va mutaxassislari tomonidan ishtirokchilarni qiziqtirgan savollarga batafsil javob berildi hamda kiberjinoyatchilikka qarshi kurashish va hamkorlikni yanada kuchaytirish boʻyicha chora-tadbirlar belgilandi.