Qoraqalpogʻiston Respublikasi IIV Qoʻriqlash xizmatida kiberjinoyatlarga qarshi kurashish masalalari yuzasidan yigʻilish oʻtkazildi
2026-08-05 11:00:00 / Yangiliklar
Oʻzbekiston Respublikasi Ichki ishlar vazirining farmoyishiga asosan, IIV Kiberjinoyatlarga qarshi kurashish departamenti boshligʻining oʻrinbosari tomonidan Qoraqalpogʻiston Respublikasi IIV Qoʻriqlash xizmati hamda uning hududiy boʻlinmalari, shuningdek shahar va tuman IIB boshliqlari ishtirokida kiberjinoyatlarning oldini olishga bagʻishlangan yigʻilish oʻtkazildi.
Yigʻilish davomida hududlarda kiberjinoyatlarning profilaktikasini kuchaytirish, aholi oʻrtasida kiberxavfsizlik madaniyatini yuksaltirish, internet va bank-moliya sohasidagi firibgarliklarning oldini olish hamda sohadagi mavjud muammolar va ularning yechimlari muhokama qilindi.
Shuningdek, hududiy boʻlinmalar faoliyati samaradorligini oshirish, profilaktik targʻibot ishlarini yanada kengaytirish va idoralararo hamkorlikni mustahkamlash boʻyicha tegishli vazifalar belgilab berildi.
IIV Kiberjinoyatlarga qarshi kurashish departamenti