Ekstremistik yoʻnalishdagi jinoyatni sodir etganligi uchun xalqaro qidiruvda boʻlgan shaxs Polsha Respublikasidan ekstraditsiya qilindi
2026-08-04 10:05:00 / Yangiliklar
Interpolning Toshkent va Varshava shaharlaridagi Milliy markaziy byurolari oʻrtasidagi samarali hamkorlik natijasida Oʻzbekiston Respublikasi Jinoyat kodeksining 244-2-moddasi birinchi qismida nazarda tutilgan jinoyatni sodir etganlikda ayblanib, xalqaro qidiruvda boʻlgan shaxs ekstraditsiya qilindi.
Jinoyat ishi qoʻzgʻatilgach, ayblanuvchi Oʻzbekiston Respublikasi hududini tark etib, uzoq vaqt davomida xorijda yashirinib yurgan, shu sababli Interpol kanallari orqali xalqaro qidiruvga berilgan edi.
Interpolning Toshkent va Varshava MMBlarining muvofiqlashtirilgan harakatlari hamda Oʻzbekiston Respublikasining Polsha Respublikasidagi Elchixonasi vakilining bevosita ishtirokida qidiruvdagi shaxsning turgan joyi aniqlandi, shundan soʻng xalqaro hamkorlik va ekstraditsiya jarayoni doirasida uning Interpolning Oʻzbekiston Respublikasidagi MMB xodimlariga topshirilishi taʼminlandi.
Ekstraditsiya ikki davlat vakolatli organlarining samarali hamkorligining navbatdagi natijasi va jinoiy taʼqibdan yashirinib yurgan shaxsni qidirib topish va qaytarish boʻyicha xalqaro politsiya hamkorligining yuqori samaradorligini yana bir bor tasdiqladi.
Interpolning Oʻzbekiston Respublikasidagi Milliy markaziy byurosi mamlakat tashqarisiga yashirinishga urinishlar qidiruvdagi shaxslarning qayerda boʻlishidan qatʼi nazar, jinoiy javobgarlikdan qochish imkonini bermaydi, xalqaro politsiya hamkorligi ularni aniqlash, ushlash va Oʻzbekiston Respublikasi qonunchiligiga muvofiq javobgarlikka tortish uchun qaytarish boʻyicha zarur choralar koʻrilishini taʼminlaydi.
Interpolning Oʻzbekiston Respublikasidagi Milliy markaziy byurosi