IIV Akademiyasida sunʼiy intellekt va raqamlashtirish boʻyicha oʻquv-seminarlar oʻtkazildi
2026-08-04 09:35:00 / Yangiliklar
Joriy yilning 28–29 iyul kunlari IIV Akademiyasi magistratura tinglovchilari uchun “Raqamlashtirish loyihalarini boshqarish va sunʼiy intellekt texnologiyalarini amaliyotga joriy etish” mavzusida oʻquv-seminarlar tashkil etildi.
Mashgʻulotlar Raqamli texnologiyalar va huquqiy statistika departamenti hamda Raqamli texnologiyalar vazirligining “Sunʼiy intellekt va raqamli iqtisodiyotni rivojlantirish markazi” davlat muassasasi mutaxassislari hamkorligida oʻtkazildi.
Seminarlar davomida tinglovchilarga generativ sunʼiy intellektning ishlash tamoyillari, uning imkoniyatlari va xizmat faoliyatida samarali qoʻllash usullari boʻyicha amaliy bilimlar berildi. Mashgʻulotlar real misollar va interaktiv muhokamalar asosida tashkil etildi.
Shuningdek, sunʼiy intellekt texnologiyalaridan foydalanishda axborot xavfsizligi, maxfiylik talablariga rioya etish hamda masʼuliyatli yondashuvning ahamiyati alohida taʼkidlandi.