“Oila maskani”da nikohlanuvchilar, tadbirkorlar va xotin-qizlar bilan uchrashuv oʻtkazildi
2026-08-03 12:40:00 / Yangiliklar
Karmana tumanining «Azamat» MFYdagi «Oila maskani»da nikohlanuvchi yoshlar, mahallada faoliyat yuritayotgan tadbirkorlar hamda ehtiyojmand xotin-qizlar bilan uchrashuv tashkil etildi.
Uchrashuvda oila mustahkamligini taʼminlash, yoshlarni mustaqil hayotga tayyorlash, xotin-qizlar tadbirkorligini rivojlantirish, ularning bandligi va daromad manbalarini kengaytirish masalalari muhokama qilindi. Tadbirkorlar oʻz faoliyati, erishilayotgan natijalar va kelgusi rejalari haqida maʼlumot berdilar.
Shuningdek, «Oila maskani»da sayyor qabul ham oʻtkazilib, ehtiyojmand xotin-qizlarning murojaatlari tinglandi. Murojaatlarda koʻtarilgan masalalar yuzasidan masʼullarga tegishli topshiriqlar berildi. Uchrashuvda Bosh vazir oʻrinbosari D. Kattaxonova ishtirok etdi.
Navoiy viloyati Oila va xotin-qizlar boshqarmasi