Fargʻona viloyatida Respublika idoralararo ishchi guruhi tomonidan oʻrganishlar boshlandi
2026-07-29 09:15:00 / Yangiliklar
Xususan, Qoʻqon shahrida Respublika idoralararo ishchi guruhi rahbarlari va aʼzolari hamda viloyat ishchi guruhi ishtirokida yigʻilish oʻtkazildi.
Unda Prezidentimizning 2026-yil 5-yanvarda qabul qilingan 1 va 2-son qarorlari ijrosi yuzasidan amalga oshirilayotgan ishlar muhokama qilindi.
Tadbir davomida viloyatning 19 ta tuman va shahriga Respublika ishchi guruhi aʼzolari hamda Bosh prokuratura xodimlaridan masʼullar biriktirildi.
Ularga soʻnggi 6 oy davomida amalga oshirilgan ishlar, yoʻl qoʻyilgan kamchiliklarni yoʻnalishlar va xizmatlar kesimida oʻrganish, tahlil qilish hamda aniqlangan muammolar yuzasidan tegishli takliflar ishlab chiqish boʻyicha zarur topshiriqlar berildi.
Shuningdek, mutasaddi rahbarlarning axborotlari eshitilib, oʻrganishlar davomida alohida eʼtibor qaratilishi lozim boʻlgan ustuvor masalalar yuzasidan masʼullar va hududiy rahbarlar oldiga aniq vazifalar qoʻyildi.
Fargʻona viloyati IIB Axborot xizmati