IIV rahbariyati tomonidan Jizzax viloyatida “Xavfsiz va sogʻlom yurt” hamda “Komplayens va maʼnaviy madaniyat oyligi” doirasida oʻrganishlar oʻtkazildi
2026-07-21 22:00:00 / Yangiliklar
Vazir oʻrinbosari R.R.Mirzayev “Xavfsiz va sogʻlom yurt”, shuningdek “Komplayens va maʼnaviy madaniyat oyligi” doirasida Jizzax viloyatida oʻrganishlarni amalga oshirdi.
Tadbir davomida, xizmat vaqtida vafot etgan marhum xodimning xonadoniga borilib oila aʼzolaridan xabar olinib, ijtimoiy koʻmak koʻrsatildi, shuningdek yosh IIO xodimlari va ularning oila aʼzolari bilan uchrashuv oʻtkazildi.
Bundan tashqari, Voyaga yetmaganlarga ijtimoiy huquqiy yordam koʻrsatish markazi, Reabilitatsiya markazi, Sh.Rashidov tumanida IIO xodimlari uchun qurilayotgan uy joy binolari va viloyat IIBdagi situatsion markazga tashrif buyurib, mavjud muammolar bilan tanishdi.
Yakunida IIV Ishchi guruhi tomonidan amalga oshirilgan ishlar, viloyat IIB xodimlari tomonidan erishilgan natijalar va yoʻl qoʻyilgan kamchiliklar yuzasidan tanqidiy yigʻilish oʻtkazilib, xizmat yoʻnalishida yaxshi natijalarga erishgan xodimlar ragʻbatlantirildi.