Buxoro viloyati IIB rahbariyati tomonidan Peshku tumanida tanqidiy yigʻilish oʻtkazildi
2026-07-21 10:00:00 / Yangiliklar
Buxoro viloyati IIB boshligʻi rahbarligida respublika miqyosida oʻtkazilayotgan “Xavfsiz va sogʻlom yurt” tezkor-profilaktik tadbirlari hamda Ichki ishlar vaziri tomonidan belgilangan vazifalar ijrosiga bagʻishlangan tanqidiy videoselektor yigʻilishi boʻlib oʻtdi.
Yigʻilish davomida, oylik doirasida viloyat boʻyicha eng past koʻrsatkich qayd etib kelayotgan Peshku tumani IIB faoliyati tahlil qilinib, tumanda jinoyatchilikni jilovlash, huquqbuzarliklarning barvaqt oldini olish va profilaktika ishlari keskin tanqid qilindi.
Ushbu salbiy holatlarni tezkor bartaraf etish maqsadida, viloyat IIB rahbariyati va maxsus ishchi guruh tomonidan Peshku tumaniga bevosita amaliy yordam koʻrsatildi.
Yigʻilish yakunida viloyat IIB boshligʻi tomonidan barcha shahar va tuman boʻlimlari rahbarlariga mavjud kamchiliklarni zudlik bilan bartaraf etish, hisobotlardagi haqqoniylikni taʼminlash hamda xodimlarning xizmat intizomini kuchaytirish yuzasidan qatʼiy koʻrsatma va topshiriqlar berildi.
Bu kabi oʻrganishlar past koʻrsatkich qayd etilayotgan barcha shahar-tumanlarda davom ettiriladi.
Buxoro viloyati IIB Axborot xizmati