Interpol kanallari orqali xalqaro qidiruvda boʻlgan firibgar Polsha davlatidan Oʻzbekistonga ekstraditsiya qilindi
2026-07-20 10:50:00 / Yangiliklar
Oʻzbekiston Respublikasi Polsha davlatidagi Elchixonasi vakillarining bevosita koʻmagida Toshkent va Varshava Milliy markaziy byurolari oʻrtasida boʻlib oʻtgan ikki tomonlama muzokaralar, hamda axborot almashish va hamkorlikdagi tezkor-qidiruv harakatlari natijasida firibgarlik jinoyati sodir etganlik uchun qidirilayotgan jinoyatchini topshirish amalga oshirildi.
Interpol kanallaridan samarali foydalanish natijasida qidiruvda boʻlgan fuqaroning transchegaraviy harakatlari aniqlanib, Polsha davlati hududida qoʻlga olindi.
Polsha davlati vakolatli organlarining ijobiy qarori natijasida qidiruvdagi shaxs sud oldida javob berish va munosib jazo olish hamda Toshkentga olib kelish uchun Oʻzbekiston huquq-tartibot idoralari xodimlariga topshirildi.
Interpolning Oʻzbekiston Respublikasidagi Milliy markaziy byurosi