Xalq deputatlari Xorazm viloyati Kengashining navbatdagi yigirma toʻrtinchi sessiyasida viloyatdagi kriminogen vaziyat muhokama qilindi
2026-07-19 10:00:00 / Yangiliklar
Xalq deputatlari Xorazm viloyati Kengashining navbatdagi yigirma toʻrtinchi sessiyasi boʻlib oʻtdi. Unda viloyatni ijtimoiy-iqtisodiy rivojlantirish, hududlarda qonuniylikni taʼminlash hamda jamoat xavfsizligini mustahkamlashga oid qator dolzarb masalalar muhokama qilindi.
Sessiya kun tartibidagi muhim masalalardan biri sifatida Xorazm viloyati Ichki ishlar boshqarmasi boshligʻi, polkovnik Abdumajid Shermuhamedovning viloyatdagi kriminogen vaziyat, jinoyatchilikning oldini olish hamda jamoat xavfsizligini taʼminlash borasida 2026-yilning olti oyi davomida amalga oshirilgan ishlar yuzasidan hisoboti tinglandi.
Hisobotda hududlarda jinoyatchilikni barvaqt oldini olish, mahallalarda xavfsiz muhitni yaratish, huquqbuzarliklar profilaktikasini kuchaytirish, fuqarolarning murojaatlari bilan ishlash, zamonaviy axborot-kommunikatsiya texnologiyalaridan foydalangan holda profilaktik tadbirlarni samarali tashkil etish hamda davlat va jamoat tashkilotlari bilan hamkorlikni yanada mustahkamlash borasida olib borilgan ishlar haqida batafsil maʼlumot berildi.
Shuningdek, jinoyatchilikning sabab va shart-sharoitlarini bartaraf etish, aholining, ayniqsa, yoshlar va xotin-qizlarning huquqiy ongi hamda huquqiy madaniyatini yuksaltirish, “Xavfsiz mahalla“ tamoyili asosida profilaktik ishlarni tashkil etish yuzasidan amalga oshirilayotgan chora-tadbirlar yuzasidan ham axborot taqdim etildi.
Sessiya davomida deputatlar hisobot yuzasidan oʻz fikr-mulohazalarini bildirib, jinoyatchilikning oldini olish, mahallalarda osoyishtalikni taʼminlash va jamoat xavfsizligini yanada mustahkamlash boʻyicha taklif va tavsiyalarini bildirdilar.
Yakunda Xorazm viloyati Ichki ishlar boshqarmasi tomonidan yilning ikkinchi yarmida ham jinoyatchilikka qarshi kurashish, huquqbuzarliklarning barvaqt profilaktikasini kuchaytirish hamda aholi xavfsizligini taʼminlash borasidagi ishlarni izchil davom ettirish yuzasidan belgilangan vazifalar ijrosi qatʼiy nazoratga olinishi taʼkidlandi.
Xorazm viloyati IIB Axborot xizmati