O‘zbеkiston Rеspublikаsi Ichki ishlаr vаzirligi

Navoiy viloyati Ichki ishlar boshqarmasida Oʻzbekiston Respublikasi Ichki ishlar vaziri oʻrinbosari, general-mayor Baxodir Mirzaraximov rahbarligida 2026-yilning oʻtgan olti oyi davomida amalga oshirilgan ishlar yuzasidan sarhisob yigʻilishi boʻlib oʻtdi.

Yigʻilishda viloyat ichki ishlar organlari tomonidan jamoat xavfsizligini taʼminlash, huquqbuzarliklar va jinoyatchilikning oldini olish, fuqarolar murojaatlari bilan ishlash, profilaktika tadbirlari samaradorligini oshirish, shuningdek, sohada amalga oshirilayotgan islohotlar doirasida bajarilgan ishlar tahlil qilindi.

Tadbir davomida har bir soha boʻyicha erishilgan natijalar tanqidiy-tahliliy asosda koʻrib chiqilib, mavjud kamchiliklar va ularning kelib chiqish sabablari muhokama etildi. Shuningdek, xizmat faoliyati samaradorligini yanada oshirish, aholi osoyishtaligini taʼminlash, huquqbuzarliklarning barvaqt oldini olish, raqamli texnologiyalardan samarali foydalanish hamda xizmat intizomini mustahkamlash yuzasidan masʼul rahbarlarga aniq vazifa va topshiriqlar berildi.

Ichki ishlar vaziri oʻrinbosari general-mayor Baxodir Mirzaraximov oʻz soʻzida har bir rahbar va xodim zimmasiga yuklatilgan vazifalarni yuksak masʼuliyat bilan bajarishi, xalq manfaatlariga xizmat qilish, murojaatlarga oʻz vaqtida va sifatli yechim topish, jinoyatchilikka qarshi kurashishda zamonaviy yondashuvlarni keng qoʻllash muhimligini alohida taʼkidladi.

Yigʻilish yakunida yilning ikkinchi yarmida amalga oshirilishi lozim boʻlgan ustuvor vazifalar belgilab olindi hamda sohada yuqori natijalarga erishgan bir qator xodimlar munosib ragʻbatlantirildi.

Mazkur sarhisob yigʻilishi kelgusida ichki ishlar organlari faoliyati samaradorligini yanada oshirish, aholi xavfsizligi va jamoat tartibini taʼminlash borasidagi ishlar izchil davom ettirilishini belgilab berdi.

Transport va turizm obyektlarida xavfsizlikni taʼminlash Departamenti Axborot guruhi