Qoraqalpogʻiston Respublikasi IIVda “Xavfsiz va sogʻlom yurt” tezkor-profilaktik tadbiri doirasida amalga oshirilgan ishlar muhokama qilindi
2026-07-17 11:10:00 / Yangiliklar
Qoraqalpogʻiston Respublikasi Ichki ishlar vaziri polkovnik Baxtiyar Torebekov rahbarligida respublika hududida oʻtkazilayotgan “Xavfsiz va sogʻlom yurt” tezkor-profilaktik tadbiri doirasida amalga oshirilgan ishlar hamda yoʻl qoʻyilgan kamchiliklar yuzasidan tanqidiy-tahliliy muhokama yigʻilishi boʻlib oʻtdi.
Yigʻilish davomida tezkor-profilaktik tadbirning borishi, jamoat xavfsizligini taʼminlash, huquqbuzarlik va jinoyatlarning oldini olish, qidiruvdagi shaxslarni aniqlash, shuningdek, yoʻl harakati xavfsizligini taʼminlash borasida amalga oshirilgan ishlar atroflicha tahlil qilindi.
Shu bilan birga, ayrim hududlarda xizmat faoliyatini tashkil etishda yoʻl qoʻyilgan kamchiliklar tanqidiy muhokama qilinib, ularni qisqa muddatlarda bartaraf etish boʻyicha aniq vazifalar belgilab berildi.
Yigʻilish yakunida shaxsiy tarkibga profilaktik tadbirlarni yanada samarali tashkil etish, aholi bilan manzilli ishlash, xizmat intizomi va ijro intizomini kuchaytirish, har bir murojaat va huquqbuzarlik holatiga qonuniy chora koʻrish yuzasidan tegishli koʻrsatmalar berildi.
Qoraqalpogʻiston Respublikasi IIV Axborot xizmati