IIV rahbariyati tomonidan Qoraqalpogʻiston Respublikasida birinchi yarim yillik faoliyat sarhisob qilindi
2026-07-15 09:00:00 / Yangiliklar
Ichki ishlar vazirligi rahbariyati ishtirokida Qoraqalpogʻiston Respublikasida joriy yilning birinchi yarim yilligi davomida jinoyatchilikning oldini olish, kriminogen vaziyatni barqarorlashtirish hamda jamoat xavfsizligini taʼminlash borasida amalga oshirilgan ishlar yuzasidan kengaytirilgan sarhisob yigʻilishi boʻlib oʻtdi.
Yigʻilishda Oʻzbekiston Respublikasi ichki ishlar vazirining oʻrinbosari, general-mayor Baxodir Mirzarahimov hamda Qoraqalpogʻiston Respublikasi ichki ishlar vaziri, polkovnik Baxtiyar Torebekov, shuningdek, sohaviy xizmatlar rahbarlari, shahar va tuman ichki ishlar organlari boshliqlari hamda masʼul xodimlar ishtirok etdi.
Tadbirda joriy yilning olti oyi davomida respublikada jinoyatchilikning oldini olish, huquqbuzarliklar profilaktikasini samarali tashkil etish, aholi osoyishtaligini taʼminlash, murojaatlar bilan ishlash, qidiruvdagi shaxslarni aniqlash, yoshlar va xotin-qizlar oʻrtasida huquqbuzarliklarning oldini olish, mahallalarda profilaktik chora-tadbirlarni kuchaytirish borasida amalga oshirilgan ishlar atroflicha tahlil qilindi.
Muhokamalar davomida erishilgan ijobiy natijalar bilan bir qatorda, ayrim hududlarda yoʻl qoʻyilgan kamchiliklar tanqidiy koʻrib chiqildi.
Masʼul rahbar va xodimlarga mavjud muammolarni bartaraf etish, profilaktik ishlarni manzilli tashkil etish, xizmat intizomini yanada mustahkamlash hamda har bir mahalla kesimida kriminogen vaziyatni doimiy nazoratga olish boʻyicha aniq topshiriq va vazifalar belgilandi.
Yigʻilish yakunida aholi xavfsizligini taʼminlash, jinoyatchilikning barvaqt oldini olish, huquqbuzarliklarning sabab va shart-sharoitlarini bartaraf etish hamda ichki ishlar organlari faoliyati samaradorligini yanada oshirishga qaratilgan ustuvor vazifalar belgilab berildi.
Qoraqalpogʻiston Respublikasi IIV Axborot xizmati