Jizzax viloyati IIBda joriy yilning ikkinchi choragida amalga oshirilgan ishlar muhokama qilindi
2026-07-14 20:20:00 / Yangiliklar
Jizzax viloyati IIBda viloyat IIO tomonidan joriy yilning ikkinchi choragida jinoyat va huquqbuzarliklarning barvaqt oldini olish, jinoyatchilikka qarshi kurashish hamda jamoat xavfsizligini taʼminlash borasida amalga oshirilgan ishlar muhokama qilindi.
Ichki ishlar vaziri oʻrinbosari rahbarligida oʻtkazilgan videoselektor yigʻilishida masʼul rahbarlarning hisobotlari tinglanib, hududdagi kriminogen vaziyat, profilaktik tadbirlar samaradorligi, jamoat tartibini saqlash va yoʻl harakati xavfsizligini taʼminlash yoʻnalishlaridagi ishlar tahlil etildi. Shu bilan birga amalga oshirilgan ijobiy ishlar bilan bir qatorda mavjud kamchiliklar ham tanqidiy koʻrib chiqilib, ularni bartaraf etish boʻyicha ustuvor vazifalar belgilab berildi.
Yigʻilish yakunida jamoat xavfsizligini taʼminlash, fuqarolar osoyishtaligini mustahkamlash va jinoyatchilikka qarshi kurashish samaradorligini oshirish boʻyicha masʼullarga tegishli koʻrsatmalar berildi.
Jizzax viloyati IIB Axborot xizmati