IIV Oʻquv-dala markazida “Zakovat” intellektual oʻyini oʻtkazildi
2024-08-21 10:35:00 / Yangiliklar
IIV Oʻquv-dala markazida yoshlarning boʻsh vaqtini mazmunli tashkil etish, ilm-fanga boʻlgan qiziqishini ragʻbatlantirish maqsadida “Zakovat” intellektual oʻyini oʻtkazildi.
Yoshlar ittifoqining Akademiyadagi boshlangʻich tashkiloti tashabbusi bilan oʻtkazilgan intellektual oʻyinda kunduzgi taʼlim 1-oʻquv kursidan 34 ta jamoa qatnashdi.
Murosasiz bahslarga boy oʻtgan bilimdonlar bahsida har bir jamoa aʼzolari oʻz iqtidor va intellektual salohiyatlarini namoyish etishga harakat qilishdi.
Munozaralarga boy oʻyin yakunida “Everest” jamoasi birinchi, “Marjon Pride” ikkinchi, “Turon” jamoasi uchinchi oʻrinni egalladi.
IIV Akademiyasi Axborot xizmati