Yoshlarning bandligi rahbarlar nazoratida: Navoiy viloyati IIB rahbariyati tomonidan sport obyektlari oʻrganildi
2026-07-14 11:10:00 / Yangiliklar
Yoshlar ishtirokidagi jinoyat va huquqbuzarliklarning oldini olish, ularning boʻsh vaqtlarini mazmunli tashkil etish maqsadida masʼullar Navoiy shahridagi sport majmualarini koʻzdan kechirdi. Oʻrganishlar davomida sport inshootlarida yaratilgan shart-sharoitlar, toʻgaraklar faoliyati, mavjud imkoniyatlar atroflicha tahlil qilindi.
Shuningdek, sport obyektlarining imkoniyatlaridan samarali foydalanish, musobaqa va ommaviy sport tadbirlarini muntazam tashkil etish orqali yoshlarni sogʻlom turmush tarziga keng jalb etish boʻyicha aniq vazifalar belgilab olindi.
Bu kabi oʻrganishlar yoshlarning bandligini taʼminlash, ularning iqtidori va salohiyatini yuzaga chiqarish hamda jamiyatda huquqbuzarliklarning barvaqt oldini olishga xizmat qiladi.
Navoiy viloyati IIB axborot xizmati