Sirdaryo viloyatida “Xavfsiz va sogʻlom yurt” tadbirlari samaradorligi tahlil qilindi
2026-07-12 11:40:00 / Yangiliklar
Oʻzbekiston Respublikasi ichki ishlar vazirining oʻrinbosari Ramazon Ashropov tomonidan Sirdaryo viloyatiga amalga oshirilgan xizmat tashrifi davomida “Xavfsiz va sogʻlom yurt” kompleks tezkor-profilaktik tadbirlari doirasida jamoat xavfsizligini taʼminlash, huquqbuzarlik va jinoyatchilikning oldini olish borasida amalga oshirilayotgan ishlar koʻzdan kechirildi.
Tashrif davomida Sirdaryo viloyati Ichki ishlar boshqarmasi hamda Guliston shahar ichki ishlar boshqarmasida tashkil etilgan “Xavfsiz va sogʻlom yurt” shtablari faoliyati koʻzdan kechirilib, xizmatlarning oʻzaro hamkorligi, belgilangan vazifalar ijrosi hamda ishlarni samarali tashkil etish masalalari muhokama qilindi.
Shuningdek, kompleks tadbirlar doirasida huquqbuzarliklarning oldini olish, jinoyatchilikka qarshi kurashish, aholi murojaatlariga tezkor munosabat bildirish hamda davlat idoralari bilan hamkorlikni yanada takomillashtirish boʻyicha amalga oshirilayotgan ishlar yuzasidan tegishli koʻrsatma va topshiriqlar berildi.
Tadbirlar samaradorligini yanada oshirish, har bir hududda xavfsiz muhitni taʼminlash va profilaktik chora-tadbirlarni tizimli davom ettirish yuzasidan masʼul rahbarlarga aniq vazifalar belgilab berildi.
Sirdaryo viloyati IIB Axborot xizmati