Fargʻona viloyati IIB rahbariyati tomonidan Qoʻqon va Fargʻona shaharlarida xizmat faoliyatining birinchi yarim yillik yakunlari tanqidiy tahlil qilindi
2026-07-11 09:00:00 / Yangiliklar
Fargʻona viloyati IIB rahbariyati tomonidan Qoʻqon va Fargʻona shahar ichki ishlar boshqarmalarida joriy yilning birinchi yarim yilligi yakunlariga bagʻishlangan tahliliy yigʻilishlar oʻtkazildi.
Viloyat IIB boshligʻi, polkovnik Ayubxon Rahmatullayev ishtirokida tashkil etilgan yigʻilishlarda jamoat xavfsizligini taʼminlash, jinoyatchilikni jilovlash, mahallalarda xavfsiz va osoyishta muhitni yaratish, fuqarolarning huquq va qonuniy manfaatlarini himoya qilish borasida amalga oshirilgan ishlar atroflicha sarhisob qilindi.
Yigʻilishlar davomida har bir sohaviy xizmat faoliyati chuqur tahlil qilinib, Prezidentimizning tegishli qaroriga muvofiq mahallalarda ishlash, jinoyat sodir etilishiga sabab boʻlayotgan omillarni aniqlash va ularni bartaraf etish, profilaktika ishlarini yangi tizim asosida tashkil etish borasida amalga oshirilayotgan chora-tadbirlar muhokama qilindi.
Shuningdek, tezkor-qidiruv, probatsiya xizmati, jamoat tartibini saqlash, yoʻl harakati xavfsizligini taʼminlash, tergov hamda kadrlar bilan ishlash yoʻnalishlari kesimida erishilgan natijalar va mavjud kamchiliklar birma-bir koʻrib chiqildi.
Yigʻilishlarda xizmat samaradorligini yanada oshirish, kriminogen vaziyat barqarorligini taʼminlash, huquqbuzarlik va jinoyatlarning barvaqt oldini olish boʻyicha ustuvor vazifalar belgilab berildi.
Shu bilan birga, aniqlangan kamchiliklarni qisqa muddatlarda bartaraf etish hamda har bir yoʻnalish boʻyicha masʼul rahbarlar faoliyatini kuchaytirish yuzasidan mutasaddilar oldiga aniq vazifalar yuklatildi.
Fargʻona viloyati IIB Axborot xizmati