Navoiy viloyati IIBda “Xavfsiz va sogʻlom yurt“ keng qamrovli tezkor-profilaktik oyligi doirasida amalga oshirilgan ishlar muhokama qilindi
2026-07-09 15:19:00 / Yangiliklar
Navoiy viloyati IIB boshligʻi, polkovnik Azat Tasbayev raisligida oʻrinbosarlar, sohaviy xizmatlar rahbarlari hamda shahar va tuman ichki ishlar boʻlimlari boshliqlari ishtirokida “Xavfsiz va sogʻlom yurt“ keng qamrovli tezkor-profilaktik oyligi doirasida amalga oshirilishi lozim boʻlgan chora-tadbirlar yuzasidan yigʻilish oʻtkazildi.
Yigʻilishda oylik doirasida jamoat xavfsizligini taʼminlash, huquqbuzarlik va jinoyatlarning oldini olish, profilaktik chora-tadbirlar samaradorligini oshirish, aholi bilan manzilli ishlash hamda sohaviy xizmatlarning faoliyati muhokama etilib, natijalari tahlil qilindi. Soʻng masʼullar viloyatda “Xavfsiz va sogʻlom yurt“ keng qamrovli tezkor-profilaktik oyligida tashkil etilgan shtab faoliyati bilan tanishdi. Shtabda amalga oshirilayotgan ishlar tanqidiy-tahliliy asosda koʻrib chiqilib, belgilangan vazifalarning oʻz vaqtida va sifatli ijrosini taʼminlash, mavjud kamchiliklarni bartaraf etish hamda profilaktik tadbirlar samaradorligini yanada oshirish yuzasidan aniq vazifa va topshiriqlar berildi.
Bu kabi muhokamalar joylarda amalga oshirilayotgan profilaktik tadbirlar samaradorligini oshirish, mavjud muammo va kamchiliklarni oʻz vaqtida bartaraf etish, shuningdek, masʼul rahbarlar va xodimlarning shaxsiy masʼuliyatini yanada kuchaytirishga xizmat qilishi shubhasiz.
Navoiy viloyati IIB axborot xizmati