IIV JXD Yoʻl harakati xavfsizligi xizmati rahbari tomonidan Toshkent shahri yoʻllarida oʻrganish ishlari olib borildi
2026-07-09 15:18:00 / Yangiliklar
Harakat ishtirokchilari uchun yanada qulay va xavfsiz sharoit yaratish, yoʻl infratuzilmasini takomillashtirish maqsadida IIV JXD Yoʻl harakati xavfsizligi xizmati rahbari tomonidan “TXAY” koʻchasida amalga oshirilayotgan qurilish va rekonstruksiya ishlari oʻrganildi.
Oʻrganishlar davomida “Uch qahramon“ aylanma yoʻlida olib borilayotgan qurilish ishlari koʻzdan kechirildi. Shuningdek, “Uch qahramon“ aylanma yoʻlidan “TXAY” va “Bogʻishamol” koʻchalari kesishgan chorrahagacha boʻlgan hududda amalga oshirilishi rejalashtirilgan rekonstruksiya loyihasi bilan tanishildi.
Bundan tashqari, “TXAY” va “Izza” koʻchalari kesishgan chorrahada olib borilayotgan qurilish ishlari ham oʻrganildi.
Oʻrganishlar jarayonida harakat ishtirokchilari uchun yanada qulay va xavfsiz sharoit yaratish, transport oqimini samarali tashkil etish, tirbandliklarni kamaytirish hamda piyodalar xavfsizligini taʼminlashga qaratilgan yechimlar yuzasidan muhokamalar oʻtkazildi.
Shu bilan birga, qurilish ishlari davomida aniqlangan ayrim kamchiliklar va mavjud muammolar yuzasidan masʼul tashkilotlar rahbarlari hamda mutasaddilarga ularni qisqa muddatlarda bartaraf etish, qurilish ishlarini belgilangan talablar asosida sifatli yakunlash, harakat ishtirokchilari uchun yuzaga kelishi mumkin boʻlgan noqulayliklarni minimallashtirish boʻyicha aniq topshiriqlar berildi hamda tegishli taklif va tavsiyalar ilgari surildi.