Ichki ishlar vazirligi Qorovul qoʻshinlarida boʻsh shifokorlik lavozimlarini jamlash maqsadida kontrakt boʻyicha harbiy xizmatga qabul qilish uchun tanlov eʼlon qiladi
2026-07-08 10:00:00 / Yangiliklar
Oʻzbekiston Respublikasi Ichki ishlar vazirligi Qorovul qoʻshinlarida boʻsh shifokorlik lavozimlarini jamlash maqsadida kontrakt boʻyicha harbiy xizmatga qabul qilish uchun tanlov eʼlon qiladi.
25 nafar “Umumiy amaliyot shifokori” lavozimlariga tibbiyot oliygohlarini tamomlagan oliy maʼlumotga ega va harbiy xizmatni oʻtagan yoki zaxiradagi ofitser unvonidagi (tibbiyot kollejini tamomlagan oʻrta-maxsus maʼlumotli fuqarolar bundan mustasno) 30 yoshgacha boʻlgan, boʻy koʻrsatkichi 165 smdan past boʻlmagan Oʻzbekiston Respublikasi fuqarolarini ofitserlik lavozimlariga kontrakt boʻyicha harbiy xizmatga qabul qilish uchun oʻtkaziladigan saralash tadbirlarida ishtirok etishga taklif etamiz.
Kontrakt boʻyicha harbiy xizmatga kirish istagida boʻlgan hamda yuqoridagi talablarga mos keladigan fuqarolar Toshkent shahar, Mirobod tumani, Amirobod koʻchasi, 1-uy (Qorovul qoʻshinlari qoʻmondonligi)ga 2026-yilning 10-avgust kuni 8:00dan 12:00ga qadar kelib murojaat qilishlari soʻraladi.
Harbiy-kasbiy saralashda ishtirok etadigan fuqarolar oʻzlari bilan shaxsini tasdiqlovchi hujjat, maʼlumoti boʻyicha diplom, harbiy guvohnomasi yoki zaxiradagi ofitser guvohnomasini olib kelishi lozim.
Izoh: Saralashda ishtirok etish uchun faqat yuqorida koʻrsatilgan talablarga mos keladigan oliy maʼlumotli fuqarolar murojaat etishlari soʻraladi.
IIV Qorovul qoʻshinlari qoʻmondonligi Axborot guruhi