“Xavfsiz va sogʻlom yurt” keng qamrovli tezkor-profilaktik oyligi doirasida Qashqadaryo viloyati IIB rahbariyati tomonidan Kasbi tumanida kriminogen vaziyat tanqidiy-tahliliy muhokama qilindi
2026-07-08 09:00:00 / Yangiliklar
“Xavfsiz va sogʻlom yurt” keng qamrovli tezkor-profilaktik oyligi doirasida mahallalarda jinoyatchilik va huquqbuzarliklarning oldini olish, oila-turmush masalalarida sogʻlom maʼnaviy muhitni shakllantirish, uchrayotgan nizolarni barvaqt bartaraf etish, shuningdek, spirtli ichimliklar taʼsirida sodir etilayotgan jinoyat va huquqbuzarliklarning profilaktikasiga qaratilgan manzilli chora-tadbirlar izchil amalga oshirilmoqda.
Shu maqsadda Kasbi tumanining Denov mahallasida jinoyatchilik va huquqbuzarliklarning oldini olish borasidagi ishlar tanqidiy-tahliliy tarzda koʻrib chiqildi. Keng jamoatchilik vakillari bilan muhokama yigʻilishi oʻtkazildi.
Tadbirda Qashqadaryo viloyati IIB boshligʻi, polkovnik Abduvohid Ismoilov, tuman hokimi hamda prokurori boshchiligida muhokama yigʻilishi oʻtkazildi.
Tadbirda mahalla yettiligi aʼzolari, faol aholi vakillari, nuroniylar kengashi aʼzolari va jamoatchilik ishtirok etdi.
Dastlab, mahalladagi kriminogen vaziyat har tomonlama tahlil qilinib, oilaviy turmushdagi kelishmovchiliklar, oilaviy nizolarning kelib chiqish sabablari, spirtli ichimliklarni suiisteʼmol qilish oqibatida sodir etilayotgan jinoyat va huquqbuzarliklar yuzasidan tanqidiy fikr-mulohazalar yuritildi.
Shuningdek, profilaktika inspektori, mahalla yettiligi hamda tegishli masʼul tashkilotlar tomonidan amalga oshirilgan ishlarga baho berilib, kamchiliklarni bartaraf etish, notinch oilalar bilan manzilli ishlash, muammoli fuqarolarni ijtimoiy qoʻllab-quvvatlash, oila-turmush masalalarida diniy ulamolarning oʻrni haqida ham soʻz yuritildi.
Yoshlar tarbiyasiga alohida eʼtibor qaratish va aholi oʻrtasida huquqiy ong hamda huquqiy madaniyatni yanada yuksaltirish yuzasidan aniq vazifalar belgilab berildi.
Qashqadaryo viloyati IIB Axborot xizmati