Qoraqalpogʻistonda ekspert-kriminalistika xodimlari uchun oʻquv-amaliy mashgʻulotlar oʻtkazildi
2026-07-07 12:15:00 / Yangiliklar
Oʻzbekiston Respublikasi Ichki ishlar vazirining 2025-yil 7-martdagi 90-son farmoyishi asosida hududlarda oʻtkazilgan inspektorlik tekshiruvi davomida berilgan topshiriqlar hamda IIV Ekspert-kriminalistika bosh markazi boshligʻining reja-topshirigʻi ijrosini taʼminlash maqsadida Vazirlik ekspert-kriminalistika bosh markazi tomonidan bir qator amaliy va tashkiliy tadbirlar amalga oshirilmoqda. Xususan, Qoraqalpogʻiston Respublikasi ichki ishlar organlari Ekspert-kriminalistika boʻlinmalari xodimlarining huquqiy va kasbiy malakasini oshirish maqsadida Oʻzbekiston Respublikasining “Sud-ekspertlik faoliyati toʻgʻrisida” 11.06.2026-yildagi OʻRQ–1152-son, shuningdek, “Oʻzbekiston Respublikasining ayrim qonun hujjatlariga giyohvandlik vositalari, psixotrop moddalar yoki ularning analoglari va kuchli taʼsir qiluvchi moddalarning qonunga xilof muomalasi uchun javobgarlikni takomillashtirishga qaratilgan qoʻshimcha va oʻzgartirishlar kiritish toʻgʻrisida” 11.06.2026-yildagi OʻRQ–1151-son Qonunlarining mazmun-mohiyati va ularning ahamiyati yuzasidan oʻquv-amaliy mashgʻulotlari tashkil etilib, belgilangan tashkiliy-huquqiy meʼyorlar barcha xodimlarga yetkazildi. Shu bilan birga, xodimlarning kriminalistik ekspertiza yoʻnalishlari boʻyicha kasbiy bilim va amaliy koʻnikmalari takomillashtirilib, tegishli kriminalistik ekspertiza turlari boʻyicha mustaqil ekspertiza oʻtkazish huquqini beruvchi guvohnomalar topshirildi.
IIV Ekspert-kriminalistika bosh markazi