IIV huzuridagi Migratsiya va personallashtirish departamenti rahbariyati Qoraqalpogʻiston Respublikasida soha faoliyatini oʻrgandi
2026-06-28 09:00:00 / Yangiliklar
Oʻzbekiston Respublikasi Prezidentining 2026-yil 5-yanvar kunidagi “Respublika mahallalarida xavfsiz muhitni yaratish yoʻnalishida yaxlit manzilli ishlash tizimini joriy etishga qaratilgan qoʻshimcha chora-tadbirlar toʻgʻrisida” PQ–1 va PQ–2-sonli qarorlari va Ichki ishlar vaziri rahbarligida oʻtkazilgan yigʻilish bayonlarida berilgan topshiriqlar ijrosi yuzasidan Oʻzbekiston Respublikasi IIV huzuridagi Migratsiya va personallashtirish departamenti boshligʻi polkovnik Ulugʻbek Shuxratovich Tashxodjayev tomonidan joriy yilning 25 – 26-iyun kunlari Qoraqalpogʻiston Respublikasiga xizmat safariga chiqib, xizmat safari davomida Amudaryo, Beruniy, Toʻrtkoʻl, Taxiatosh va Kegeyli tumanlari IIBlari va Qoraqalpogʻiston Respublikasi IIV huzuridagi Migratsiya va personallashtirish boshqarmasining faoliyati, shuningdek, hududda faoliyat yuritayotgan mahalla fuqarolar yigʻinidagi “mahalla yettiligi”ning xizmat faoliyatlari joyiga chiqqan holda oʻrganildi.
Oʻrganish davomida, soha faoliyatini yanada takomillashtirish, ish samaradorligini yanada oshirish yuzasidan masʼul rahbar va xodimlarga tegishli tavsiyalar berildi.
Shuningdek, xizmat safari davomida Oʻzbekiston Respublikasining fuqaroligi toʻgʻrisidagi qonuni talablari asosida Oʻzbekiston Respublikasi fuqaroligiga tan olingan bir qator shaxslarga Oʻzbekiston Respublikasi shaxs guvohnomasi ID-kartalari tantanali ravishda topshirildi.
IIV huzuridagi Migratsiya va personallashtirish departamenti