O‘zbеkiston Rеspublikаsi Ichki ishlаr vаzirligi

IIV huzuridagi Migratsiya va personallashtirish departamenti hamda poytaxt IIBB huzuridagi Migratsiya va personallashtirish boshqarmasi rahbariyati tomonidan oʻtkazilgan qabulga poytaxtning turli tumanlarida istiqomat qiluvchi fuqarolar tashrif buyurishdi.

Qabulga kelgan fuqaroligi boʻlmagan toʻrt nafar shaxslarga Prezident Farmoniga asosan Oʻzbekiston Respublikasi fuqaroligi tan olinganligi eʼlon qilinib, identifikatsiya ID-kartalari tantanali ravishda taqdim etildi. Uch nafar – D.K., D.T., S.U.larning fuqarolikni tiklash, fuqaroligi boʻlmagan – Sh.Q., K.B., I.Z., N.M., M.A.larning Oʻzbekistonda yashash guvohnomasini rasmiylashtirish, M.O., I.D., D.S.larning vaqtincha roʻyxatga qoʻyish masalasidagi murojaatlari boʻyicha amaliy yordam koʻrsatildi. Shuningdek, ikki nafar shaxslarga fuqarolik pasportini yoʻqolganligi sababli qayta tiklash, bir nafar chet el fuqarosining yurtimizda uzoq muddatga kelib turishi uchun ruxsatnoma olish, respublikamiz fuqarosining xorijga chiqish biometrik pasportini rasmiylashtirish uchun elektron murojaati tizimdagi xatolik tufayli rad etilgani sababli ijobiy hal etilishida yordam berildi. Bir nafariga hozirda vaqtincha saqlash hibsxonasida saqlanayotgan farzandining fuqarolik pasporti muddati tugaganligi sababli unga sayyor xizmat koʻrsatgan holda ID-kartasini rasmiylashtirish choralari koʻrildi. Yana 5 nafar fuqarolarning murojaatlari nazoratga olinib, qonuniy hal etish boʻyicha masʼullarga tegishli topshiriqlar berildi. Qabul chogʻida ikki nafar – G.Yu. va M.S.lar tomonidan farzandlarini doimiy roʻyxatga qoʻyilishida koʻrsatilgan yordam uchun xodimlarga minnatdorlik bildirildi. Mazkur qabullar davomida fuqarolarning muammolari hal etilishi, ularning qonun ustuvorligiga, manfaatlarining himoya qilinishiga ishonchini orttirish bilan birga ichki ishlar va fuqarolar oʻrtasidagi oʻzaro ishonch va hamkorlikni mustahkamlashga xizmat qiladi.