Surxondaryo viloyati IIB rahbariyati tomonidan chekka hududlarda jamoat xavfsizligi va yoʻl harakati xavfsizligi masalalari tanqidiy tahlil qilindi
2026-06-24 10:00:00 / Yangiliklar
Joriy yilning 23-iyun kuni Surxondaryo viloyati IIB boshligʻi oʻrinbosari – Jamoat xavfsizligi xizmati boshligʻi polkovnik Joʻrabek Avazov tomonidan viloyatning chekka hududlari hisoblangan Uzun, Sariosiyo, Denov, Oltinsoy va Shoʻrchi tumanlarida xizmat faoliyati oʻrganildi.
Tashriflar davomida jinoyatchilikning oldini olish, jamoat xavfsizligini taʼminlash, yoʻl harakati xavfsizligini mustahkamlash hamda sodir etilayotgan yoʻl-transport hodisalarining sabab va omillarini bartaraf etish masalalari atroflicha muhokama qilindi.
Shuningdek, Oʻzbekiston Respublikasi Prezidentining tegishli qarorlari ijrosini taʼminlash boʻyicha amalga oshirilayotgan ishlar tanqidiy-tahliliy ruhda koʻrib chiqilib, aniqlangan kamchiliklarni bartaraf etish yuzasidan masʼul rahbar va xodimlarga aniq vazifa hamda topshiriqlar berildi.
Yigʻilishlarda avariya oʻchoqlarini aniqlash, ular boʻyicha manzilli chora-tadbirlar ishlab chiqish, tungi xizmat samaradorligini yanada oshirish hamda profilaktik tadbirlarni kuchaytirishga alohida eʼtibor qaratildi.
Taʼkidlanganidek, fuqarolarning tinchligi va osoyishtaligini taʼminlash, jamoat tartibini saqlash hamda huquqbuzarliklarning barvaqt oldini olishga qaratilgan tizimli ishlar izchil davom ettiriladi.
Surxondaryo viloyati IIB Axborot xizmati