IIV Akademiyasida taʼlim olayotgan magistratura tinglovchilari uchun Rossiya Federatsiyasi IIV Boshqaruv Akademiyasida oʻquv kursi tashkil etildi
2026-06-24 09:00:00 / Yangiliklar
Oʻquv kursi davomida tinglovchilarning boshqaruv koʻnikmalari va rahbarlik kompetensiyalarini rivojlantirishga alohida eʼtibor qaratildi.
Malakali mutaxassislar tomonidan ichki ishlar organlari sohaviy xizmatlari faoliyatini tashkil etish, zamonaviy tahdid va xatarlarga qarshi samarali kurashish, turli vaziyatlarda kuch va vositalarni muvofiqlashtirish, kadrlar bilan tizimli ishlash, raqamli texnologiyalar imkoniyatlaridan unumli foydalanish, strategik maqsad va vazifalarni ishlab chiqish, boshqaruv qarorlarini qabul qilish hamda boshqa dolzarb yoʻnalishlarda mashgʻulotlar oʻtkazildi.
Tinglovchilar Boshqaruv akademiyasida yoʻlga qoʻyilgan taʼlim jarayonlari bilan tanishib, xalqaro tajribaning ilgʻor jihatlarini oʻrgandilar. Oʻquv kursi yakunida vakillarimizga sertifikatlar topshirildi.
Tadbirda ikki tomonlama hamkorlik doirasida tashkil etilayotgan mashgʻulotlar kadrlar salohiyatini oshirish va zamonaviy rahbar kadrlarni tayyorlash, amaliyotdagi innovatsion yondashuvlarni ommalashtirishda muhim ahamiyat kasb etayotgani taʼkidlab oʻtildi.
IIV Akademiyasi Axborot xizmati