Ichki ishlar organlarida maʼnaviy-maʼrifiy ishlar va kadrlar bilan taʼminlash yoʻnalishi rahbar xodimlari uchun oʻquv yigʻini boshlandi
2026-06-23 18:40:00 / Yangiliklar
Ichki ishlar vazirining tegishli farmoyishiga muvofiq, ichki ishlar organlarining maʼnaviy-maʼrifiy ishlar va kadrlar bilan taʼminlash boʻlinmalari rahbar xodimlari ishtirokida oʻquv yigʻini boshlandi.
Tadbirda vazirlik Maʼnaviy-maʼrifiy ishlar xizmati boshligʻi, podpolkovnik Saxipjamal Djoldasova hamda oʻquv yigʻini ishtirokchilari qatnashdi.
Oʻquv yigʻini rahbar xodimlarning kasbiy kompetensiyalari va boshqaruv koʻnikmalarini rivojlantirish, psixologik xizmat samaradorligini oshirish hamda ilgʻor tajribalarni ommalashtirish maqsadida tashkil etildi.
Dastur doirasida emotsional intellekt, liderlik, stressni boshqarish, jamoa bilan ishlash va xizmat intizomi mavzularida trening hamda amaliy mashgʻulotlar oʻtkazilishi, shuningdek, hududlarda toʻplangan ijobiy tajribalar muhokama qilinishi rejalashtirilgan.
Bir necha kun davom etadigan oʻquv yigʻini xodimlarning nazariy bilim va amaliy koʻnikmalarini yanada mustahkamlashga xizmat qilishi bilan ahamiyat kasb etadi.