Buxoro viloyati IIB JXX YHXB xodimlari tomonidan “Zakovat” bolalar sogʻlomlashtirish oromgohida “Yoʻl harakati intizomi bolalikdan boshlanadi” shiori ostida targʻibot tadbiri tashkil etildi
2026-06-21 13:00:00 / Yangiliklar
Tadbir davomida bolalarga yoʻl harakati qoidalari, piyodalarning huquq va majburiyatlari, yoʻlni xavfsiz kesib oʻtish tartibi, svetofor signallarining ahamiyati hamda velosiped va samokat haydovchilari tomonidan rioya qilinishi lozim boʻlgan talablar haqida tushunchalar berildi.
Ayniqsa, targʻibot tadbiri interaktiv usullarda tashkil etilgani bolalarning qiziqishini yanada oshirdi.
YHXB xodimlari tomonidan maxsus savol-javoblar, viktorinalar, amaliy koʻrgazmalar va rolli oʻyinlar oʻtkazilib, ishtirokchilarning yoʻl harakati qoidalari boʻyicha bilimlari sinovdan oʻtkazildi.
Bolalar yoʻl belgilari maʼnolarini topish, xavfsiz harakatlanish holatlarini namoyish etish va turli vaziyatlarda toʻgʻri qaror qabul qilish boʻyicha bellashdilar.