IIV Qorovul qoʻshinlarida transport vositalarining texnik shayligi koʻzdan kechirildi
2026-06-21 13:00:00 / Yangiliklar
Yurtimiz sarhadlari va muhim obyektlarni qoʻriqlashda har bir texnikaning sozligi muhim ahamiyatga ega. Shu sababli, IIV Qorovul qoʻshinlari qoʻmondonining tegishli buyrugʻiga asosan hisobdagi barcha avtotransport vositalari majburiy texnik koʻrikdan oʻtkazilmoqda. Ushbu jarayon joriy yilning 20-mayidan 20-iyunga qadar belgilangan.
Tekshiruv davomida harbiy qism va boʻlinmalardagi transportlarning tashqi koʻrinishi, texnik holati, yoritish chiroqlari, meʼyoriy hujjatlari hamda zaxira anjomlarining yoʻl harakati xavfsizligi standartlariga toʻliq mos kelishi oʻrganilmoqda. Jarayonni Qorovul qoʻshinlari qoʻmondoni oʻrinbosari polkovnik F.A. Ergashev bevosita muvofiqlashtirib bormoqda.