IIV Yoshlar forumi doirasida “Jangovar marsh”da xodimlarning matonati va jangovar shayligi sinovdan oʻtkazildi
2026-06-16 23:10:00 / Yangiliklar
IIV Yoshlar forumi doirasida tashkil etilgan “Jangovar marsh” musobaqasi keskin va murosasiz kurashlar ostida oʻtdi. Unda IIOning tarkibiy va hududiy boʻlinmalaridan jami 17 ta jamoa ishtirok etdi.
5 kilometr masofadagi murakkab yoʻnalishda ishtirokchilar toʻsiqlar yoʻlagidan oʻtish, shartli jarohatlanganni evakuatsiya qilish, zaharlangan hududni gazniqobda bosib oʻtish, ogʻir yuklarni tashish hamda suv toʻsigʻidan oʻtish kabi sinovlarni bajardilar.
Musobaqa davomida xodimlar jismoniy tayyorgarligi, ruhiy barqarorligi, kasbiy mahorati va jangovar jipsligini namoyon etdilar.
Yakuniy natijalarga koʻra, Navoiy viloyati IIB jamoasi birinchi, IIV Qorovul qoʻshinlari jamoasi ikkinchi hamda Samarqand viloyati IIB jamoasi uchinchi oʻrinni egalladi.
Yoshlar forumi davom etmoqda.