Sirdaryo viloyati IIB rahbariyati tomonidan Sirdaryo tumanida kriminogen vaziyatni barqarorlashtirish hamda jinoyatchilikning oldini olish borasida amalga oshirilayotgan ishlar bilan tanishildi
2026-06-16 11:30:00 / Yangiliklar
Sirdaryo viloyati Ichki ishlar boshqarmasi boshligʻi, polkovnik Farrux Xaydarov tomonidan Sirdaryo tumani hududida jamoat xavfsizligini taʼminlash, huquqbuzarliklar profilaktikasini samarali tashkil etish hamda kriminogen vaziyat barqarorligini taʼminlash borasida amalga oshirilayotgan ishlar oʻrganildi.
Xususan, tashrif doirasida tumanning “Adolat” mahallasida Oʻzbekiston Respublikasi Prezidentining PQ–1 va PQ–2-son qarorlari hamda huquqbuzarliklarning oldini olish va jinoyatchilikka qarshi kurashish samaradorligini oshirishga qaratilgan “Chilonzor tajribasi” asosida belgilangan vazifalar ijrosi tahlil qilindi.
Dastlab, mahalla hududida jamoat tartibini saqlash, aholi osoyishtaligini taʼminlash, huquqbuzarliklarning barvaqt oldini olish, fuqarolar bilan manzilli va tizimli ishlash hamda kriminogen vaziyatni nazorat qilish borasida amalga oshirilayotgan chora-tadbirlar holati oʻrganildi.
Oʻrganishlar jarayonida Sirdaryo tumani Ichki ishlar boshqarmasi boshligʻi tomonidan davlat rahbarining PQ–1-son qarori hamda “Chilonzor tajribasi” doirasida amalga oshirilgan ishlar, jinoyatchilikni jilovlash, huquqbuzarliklarning sabab va shart-sharoitlarini bartaraf etish, shuningdek mahalladagi kriminogen vaziyat yuzasidan batafsil taqdimot qilindi.
Shu bilan birga, mahalla “yettiligi” aʼzolarining faoliyati, mahallaga biriktirilgan profilaktika inspektorining xizmat samaradorligi, muqaddam sudlangan shaxslar, profilaktik hisobda turuvchi fuqarolar hamda alohida nazorat talab etiladigan toifadagi shaxslar bilan olib borilayotgan profilaktik ishlar atroflicha tahlil qilindi. Ushbu yoʻnalishda jinoyat va huquqbuzarliklarning oldini olish, shaxslarni ijtimoiy moslashtirish, ularning bandligini taʼminlash hamda takroran huquqbuzarlik sodir etishining oldini olishga qaratilgan chora-tadbirlarni yanada kuchaytirish boʻyicha tegishli vazifalar belgilab berildi.
Tashrif davomida mahalla hududida jamoat xavfsizligini taʼminlash maqsadida oʻrnatilgan videokuzatuv kameralari va raqamli nazorat vositalari faoliyati ham koʻzdan kechirildi. Shuningdek, savdo va xizmat koʻrsatish obyektlarida xavfsizlik talablariga rioya etilishi, texnik qoʻriqlash vositalarining holati va profilaktik tadbirlarning tashkil etilishi oʻrganilib, aniqlangan kamchiliklarni bartaraf etish yuzasidan masʼul rahbar va xodimlarga tegishli koʻrsatma hamda topshiriqlar berildi.
Tashrif yakunida belgilangan vazifalarning oʻz vaqtida va sifatli ijrosini taʼminlash, jinoyatchilikka qarshi kurashish hamda aholi xavfsizligini taʼminlash borasidagi ishlarni yangi bosqichga olib chiqish yuzasidan masʼul rahbarlarga tegishli topshiriqlar berildi.
Sirdaryo viloyati IIB Axborot xizmati