1 230 litr dizel yoqilgʻisini talon taroj qilmoqchi boʻlgan shaxs Qoʻriqlash xodimlari tomonidan qoʻlga olindi
2026-06-12 09:00:00 / Yangiliklar
Joriy yilning 11-iyun kuni soat 00:10 da Zarafshon shahar sanoat zonasi hududida harakatlarida shubha uygʻotgan UAZ rusumli transport vositasi shu hududda joylashgan qoʻriqdagi obyektda xizmat olib borayotgan Qoʻriqlash xodimlari tomonidan qonunchilikka muvofiq toʻxtatib tekshirilgan.
Oʻrganishlar jarayonida avtotransport yukxonasida 41 dona idishlarda har biri 30 litrdan boʻlgan dizel yoqilgʻisi hech qanday hujjatlarsiz, noqonuniy ravishda olib ketayotganligi aniqlangan.
Dastlabki oʻrganishlar jarayonida transport vositasi egasi L.M ekanligi, yoqilgʻilarni ishlab chiqaruvchi zavod hududidan olib chiqqanligi va yuklarni sotib shaxsiy ehtiyojlari uchun sarflashi maʼlum boʻlgan.
Holat yuzasidan shahar Qoʻriqlash xizmati xodimlari tomonidan tegishli hujjatlar rasmiylashtirilib, ashyoviy dalillar bilan IIO sohaviy xizmatlari xodimlariga topshirilgan.
Hozirda Zarafshon shahar IIB tomonidan surishtiruv ishlari olib borilmoqda.
IIV huzuridagi Qoʻriqlash departamenti Axborot xizmati