IIV tomonidan “Yoshlar oyligi” doirasida “Ajdodlar izidan” intellektual tanlovining final bosqichi oʻtkazildi
2026-06-12 09:00:00 / Yangiliklar
Jizzax viloyatining Zomin shahrida “Yoshlar oyligi” doirasida kitobxonlik boʻyicha “Ajdodlar izidan” intellektual tanlovining IIV tizimi boʻyicha final bosqichi boʻlib oʻtdi.
Unda vazirlik tarkibiy va hududiy boʻlinmalaridan saralangan 18 ta jamoa ishtirok etib, bilim va zakovat borasida oʻzaro bellashdi.
Yakuniy natijalarga koʻra, Qoraqalpogʻiston Respublikasi IIV jamoasi gʻolib boʻldi. Toshkent shahar IIBB jamoasi ikkinchi, Navoiy viloyati IIB jamoasi esa uchinchi oʻrinni egalladi.
Gʻolib va sovrindorlarga IIV masʼullari tomonidan diplom, esdalik sovgʻalari va pul mukofotlari topshirildi.
Shuningdek, gʻolib jamoaga tanlovning Qurolli Kuchlar tizimi oʻrtasidagi respublika final bosqichida ishtirok etish uchun maxsus yoʻllanma berildi.