Navoiy viloyati IIBda jinoyatchilikning oldini olish va murojaatlar tahliliga bagʻishlangan yigʻilish oʻtkazildi
2026-06-11 14:45:00 / Yangiliklar
Navoiy viloyati IIB boshligʻi raisligida hududlarda jinoyatchilikning oldini olish, huquqbuzarliklar profilaktikasini samarali tashkil etish hamda fuqarolar murojaatlarini oʻz vaqtida oʻrganib, ularning ijobiy yechimini taʼminlash borasida amalga oshirilayotgan manzilli ishlar tahliliga bagʻishlangan yigʻilish oʻtkazildi. Yigʻilishda sohaviy xizmatlar rahbarlari, shahar-tuman ichki ishlar organlari masʼullari hamda tegishli mutasaddilar ishtirok etdi. Hududlardagi kriminogen vaziyat, huquqbuzarlik va jinoyatlarning kelib chiqish sabablari, aholi bilan ishlash samaradorligi, fuqarolar murojaatlarini koʻrib chiqish holati atroflicha muhokama qilindi.
Shuningdek, mahallalarda jinoyatchilikning barvaqt oldini olish, aholini qiynayotgan muammolarni manzilli oʻrganish, yoshlar va ijtimoiy himoyaga muhtoj fuqarolar bilan ishlash tizimini yanada takomillashtirish boʻyicha aniq vazifalar belgilab berildi.
Yigʻilish yakunida masʼul rahbarlarga yoʻl qoʻyilgan kamchiliklarni bartaraf etish, profilaktik tadbirlar samaradorligini oshirish hamda har bir murojaat ortida inson taqdiri turganligini unutmagan holda ish olib borish yuzasidan tegishli koʻrsatmalar berildi.
Navoiy viloyati IIB Axborot xizmati