Oʻzbekiston Respublikasi Ichki ishlar vazirligida BMT Qochoqlar ishlari boʻyicha Oliy komissari boshqarmasi (BMT QOKB) Markaziy Osiyo boʻyicha mintaqaviy vakolatxonasi rahbari Mahir Safarli bilan uchrashuv boʻlib oʻtdi
2026-06-10 19:25:00 / Yangiliklar
Uchrashuv davomida Oʻzbekiston fuqaroligi boʻlmagan shaxslarning huquq va qonuniy manfaatlarini taʼminlashga jiddiy eʼtibor qaratayotgani alohida taʼkidlandi. Ichki ishlar vazirligi vakillarining BMT Qochoqlar ishlari boʻyicha Oliy komissari boshqarmasining sohaga oid tadbirlarda, jumladan, Toshkent va Ashxobod shaharlarida oʻtkazilgan mintaqaviy anjumanlarda faol ishtirok etishi xodimlarning kasbiy mahoratini yuksaltirishga hamda ilgʻor xalqaro tajribani milliy amaliyotga tatbiq etishga xizmat qilmoqda.
Mahir Safarli Oʻzbekistonning inson huquqlarini himoya qilish borasidagi saʼy-harakatlarini hamda xalqaro institutlar bilan hamkorlikni chuqurlashtirishga tayyorligini yuqori baholadi.
Uchrashuv yakunida tomonlar konstruktiv muloqotni davom ettirishga, shuningdek, migratsiya siyosatini yanada takomillashtirish va fuqarolar huquqlari ishonchli himoya qilinishini taʼminlashga qaratilgan qoʻshma tashabbuslarni amalga oshirishga kelishib oldi.