Davlatobod tumanida Mirzo Ulugʻbek tumani tajribasi asosida amalga oshirilayotgan ishlar oʻrganildi
2026-06-10 13:45:00 / Yangiliklar
Namangan viloyati IIB boshligʻi tomonidan hududlarda jinoyatchilik va huquqbuzarliklarning barvaqt oldini olish, kriminogen vaziyat barqarorligini taʼminlash hamda mahallalarda xavfsiz muhitni mustahkamlash borasida amaliy oʻrganish ishlari olib borilmoqda.
Xususan, Davlatobod tumanining “Toʻquvchi” mahallasida navbatdagi oʻrganish ishlari oʻtkazilib, Toshkent shahrining Mirzo Ulugʻbek tumani tajribasi asosida amalga oshirilayotgan ishlar holati atroflicha koʻzdan kechirildi.
Oʻrganish davomida masʼul rahbarlar hamda 3-son huquq-tartibot maskani xodimlarining mahallada jinoyatchilikning oldini olish, aholi bilan manzilli ishlash, profilaktik tadbirlar samaradorligini oshirish borasidagi hisoboti tinglandi.
Shuningdek, hududda yangi tashkil etilayotgan koʻchma xavfsizlik posti faoliyatini samarali yoʻlga qoʻyish, mahallalarda jamoat tartibini saqlash va fuqarolar xavfsizligini taʼminlash boʻyicha masʼullarga aniq topshiriq hamda koʻrsatmalar berildi.
Namangan viloyati IIB Axborot xizmati