Namangan viloyati IIBda tergov faoliyati samaradorligini yanada oshirish masalalari muhokama qilindi
2026-06-09 13:00:00 / Yangiliklar
Boshqarma boshligʻi huzurida tergov sifatini yanada yaxshilash, jinoyat ishlarini oʻz vaqtida va sifatli hal etish masalalariga bagʻishlangan muhokama yigʻilishi boʻlib oʻtdi.
Unda shahar-tuman IIB boshliqlari, Tergov boshqarmasi va uning hududiy boʻlinmalari rahbarlari hamda xodimlari ishtirok etdi.
Yigʻilishda tergovchilar ish yurituvida boʻlgan jinoyat ishlari boʻyicha tergov harakatlarini Jinoyat-protsessual kodeksi talablari asosida amalga oshirish, fuqarolarning murojaatlarini oʻz vaqtida koʻrib chiqish, jinoyat haqidagi ariza va xabarlar boʻyicha qonuniy qaror qabul qilish, xizmat intizomi hamda qonuniylikka qatʼiy amal qilish masalalari tanqidiy-tahliliy ruhda muhokama qilindi.
Muhokama davomida tergov sifatini yaxshilash, mavjud kamchiliklarni bartaraf etish hamda ishlarni qonun talablari asosida tashkil etish yuzasidan masʼullarga tegishli topshiriqlar berildi.
Namangan viloyati IIB Axborot xizmati