Andijon viloyatida ichki ishlar organlari faoliyati va ijtimoiy yoʻnalishdagi tashabbuslar oʻrganildi
2026-06-09 10:00:00 / Yangiliklar
Ichki ishlar vaziri oʻrinbosari, polkovnik Diyorbek Sattarov tomonidan Andijon viloyati Ichki ishlar boshqarmasi hamda hududiy boʻlinmalar faoliyati oʻrganildi.
Jarayonda xizmat intizomi, qonunchilik talablariga rioya etilishi va xizmat samaradorligi masalalariga alohida eʼtibor qaratildi.
Shuningdek, Andijon viloyati misolida voyaga yetmaganlarni ijtimoiy-huquqiy psixologik qoʻllab-quvvatlash muassasalari faoliyati oʻrganilib, mazkur yoʻnalishdagi ishlarni boshqa hududlarda ham tahlil etish masalalariga eʼtibor qaratildi.
Masʼul xodimlar va tarbiyalanuvchilar bilan muloqot oʻtkazilib, yaratilgan shart-sharoitlar koʻzdan kechirildi.
Bundan tashqari, ichki ishlar organlari tashkil etilganining 35-yilligi munosabati bilan respublikaning qator aeroportlari, temir yoʻl vokzallari hamda metro bekatlarida tashkil etilayotgan “Jamoat kutubxonalari” faoliyati Andijon temir yoʻl vokzalidagi kutubxona misolida koʻzdan kechirildi.
Oʻrganishlar yakunida tizim faoliyatini yanada takomillashtirish yuzasidan tegishli tavsiya va koʻrsatmalar berildi.