Namangan shahrida jamoat xavfsizligini taʼminlash va jinoyatchilikning oldini olish boʻyicha ustuvor vazifalar belgilab olindi
2026-06-07 12:40:00 / Yangiliklar
Namangan viloyati IIB boshligʻi huzurida shahar hududida jamoat xavfsizligini taʼminlash hamda jinoyatchilikni barvaqt oldini olish samaradorligini oshirishga qaratilgan chora-tadbirlar dasturi boʻyicha taqdimot oʻtkazildi.
Taqdimotda Namangan shahar IIB boshligʻining hududda kriminogen vaziyatni barqaror saqlash, huquqbuzarliklarning oldini olish, jamoat xavfsizligini taʼminlash borasida kelgusida amalga oshirilishi lozim boʻlgan chora-tadbirlar yuzasidan axboroti tinglandi.
Shuningdek, mahallalar kesimida mavjud muammolar, jinoyatchilikka taʼsir etuvchi omillar, profilaktik tadbirlar samaradorligi hamda masʼul xodimlar faoliyati atroflicha tahlil qilindi.
Muhokama davomida aniqlangan kamchiliklarni bartaraf etish, profilaktik ishlarni kuchaytirish, qizil toifadagi mahallalarda ish samaradorligini oshirish, fuqarolar muammolarini joyida oʻrganib, ularni hal etish, shuningdek, Chilonzor tumani tajribasi asosida aniq chora-tadbirlarni amalga oshirish hamda jamoat xavfsizligini taʼminlash boʻyicha masʼullarga aniq koʻrsatma va topshiriqlar berildi.
Namangan viloyati IIB Axborot xizmati