Qoraqalpogʻiston Respublikasida jamoat xavfsizligi va huquqbuzarliklar profilaktikasi holati oʻrganildi
2026-06-07 12:40:00 / Yangiliklar
Qoraqalpogʻiston Respublikasi Ichki ishlar vazirining birinchi oʻrinbosari tomonidan Prezidentimizning PQ-1 va PQ-2 sonli qarorlari ijrosini taʼminlash boʻyicha amalga oshirilayotgan ishlar hamda hududdagi kriminogen vaziyat va jinoyatchilikning holati oʻrganildi.
Oʻrganish davomida qarorlarda belgilangan vazifalar ijrosi, huquqbuzarliklar profilaktikasi, jamoat xavfsizligini taʼminlash, aholi murojaatlari bilan ishlash holati, profilaktik tadbirlar samaradorligi hamda mahallalardagi huquq-tartibot ahvoli tahlil qilindi. Shuningdek, jinoyatchilikka qarshi kurashish, ayniqsa yoshlar oʻrtasidagi huquqbuzarliklarning oldini olish, takroran jinoyatchilikni kamaytirish va fuqarolar xavfsizligini taʼminlash boʻyicha amalga oshirilayotgan ishlar koʻrib chiqildi.
Oʻrganish natijalari boʻyicha mavjud kamchilik va muammolar muhokama qilinib, ularni bartaraf etish, qarorlar ijrosini soʻzsiz taʼminlash hamda jinoyatchilikning oldini olish ishlarini yanada kuchaytirish boʻyicha masʼul rahbar va xodimlarga tegishli koʻrsatma va topshiriqlar berildi. Prezident qarorlarida belgilangan vazifalarni oʻz vaqtida va sifatli bajarish yuzasidan nazoratni kuchaytirish zarurligi taʼkidlandi.
Shuningdek, tuman hududidagi qizil va sariq mahallalarni yashil mahallaga aylantirish boʻyicha mahalla yettiligi bilan uchrashib, ularning faoliyati oʻrganildi hamda tegishli tavsiyalar berildi.
Qoraqalpogʻiston Respublikasi Ichki ishlar vazirligi Axborot xizmati