Qashqadaryoda sohil voleyboli boʻyicha “Hokim Olimpiadasi” bahslariga start berildi
2026-06-05 11:00:00 / Yangiliklar
“Prezident Olimpiadasi” sport musobaqalarining II bosqichi — “Hokim Olimpiadasi” doirasida sohil voleyboli boʻyicha viloyat bosqichi musobaqalarining tantanali ochilish marosimi boʻlib oʻtdi.
Ochilish marosimida Qashqadaryo viloyati Ichki ishlar boshqarmasi boshligʻi, viloyat voleybol federatsiyasi raisi, polkovnik Ismoilov Abduvohid Salomovich, Qashqadaryo viloyat sport boshqarmasi boshligʻi Vahob Roʻziyev hamda voleybol federatsiyasi masʼullari ishtirok etib, sportchilarga omad va muvaffaqiyatlar tilashdi.
Viloyatning barcha tuman va shaharlaridan tashrif buyurgan sportchilar sohil voleyboli maydonlarida gʻoliblik uchun kurashni boshlab yuborishdi.
Musobaqalar davomida ishtirokchilar oʻzlarining mahorati, jismoniy tayyorgarligi va jamoaviy hamjihatligini namoyon etishmoqda.
Ayni damda musobaqa bahslari qizgʻin va murosasiz ruhda davom etmoqda. Gʻolib jamoalar Respublika bosqichi — “Prezident Olimpiadasi” yoʻllanmasi uchun kurash olib borishadi.
Qashqadaryo viloyati IIB Axborot xizmati