Buxoroda aralash jang sanʼatlari boʻyicha Oʻzbekiston chempionati oʻtkazildi
2026-06-04 14:10:00 / Yangiliklar
Joriy yilning 25–28-may kunlari Buxoro shahridagi sport majmuasida Oʻzbekiston Aralash jang sanʼatlari assotsiatsiyasining IMMAF yoʻnalishi boʻyicha oʻsmirlar va yoshlar (10–11, 12–13, 14–15 hamda 16–17 yosh toifalari) oʻrtasida Oʻzbekiston chempionati boʻlib oʻtdi.
Musobaqada mamlakatimizning barcha hududlaridan jami 695 nafar oʻgʻil va qiz sportchi ishtirok etib, chempionlik uchun bahs olib bordi.
Chempionat yakunlariga koʻra, sovrindor sportchilar orasidan saralash ishlari amalga oshirilib, milliy terma jamoa murabbiylari tomonidan 2026-yil 16–23-avgust kunlari Dubai shahrida boʻlib oʻtadigan Jahon chempionatida ishtirok etadigan Oʻzbekiston terma jamoasi tarkibi shakllantiriladi.
Mazkur chempionat yosh sportchilarning mahoratini oshirish, xalqaro maydon uchun iqtidorli sportchilarni saralab olish hamda mamlakatimizda aralash jang sanʼatlarini yanada rivojlantirishga xizmat qildi.