Navoiy viloyatida huquqni muhofaza qilish organlari rahbarlari ishtirokida jinoyat muhokamasi oʻtkazildi
2026-06-04 12:00:00 / Yangiliklar
Navoiy viloyati IIB boshligʻi hamda viloyat prokurorining birinchi oʻrinbosari ishtirokida “Navoiyazot“da oʻtkazilgan mazkur jinoyat muhokamasida sodir etilgan jinoyatning kelib chiqish sabablari va shart-sharoitlari atroflicha tahlil qilinib, bunday holatlarning oldini olish, qonunbuzarliklarga murosasiz munosabatni shakllantirish hamda jamoada huquqiy madaniyatni yuksaltirish masalalariga alohida eʼtibor qaratildi.
Mutasaddilar tomonidan har bir fuqaro qonun talablariga qatʼiy rioya qilishi, jinoyat va huquqbuzarliklarga qarshi kurashishda jamoatchilikning hamkorligi muhim ahamiyat kasb etishi taʼkidlandi.
Shuningdek, ishchi-xodimlar oʻrtasida korrupsiya, firibgarlik, talon-toroj qilish va boshqa turdagi huquqbuzarliklarning oldini olish boʻyicha tushuntirish ishlari olib borilib, mavjud muammolar va ularning yechimlari yuzasidan fikr almashildi.
Navoiy viloyati IIB axborot xizmati