O‘zbеkiston Rеspublikаsi Ichki ishlаr vаzirligi

Hududlarda kriminogen vaziyat barqarorligini ta’minlash, jinoyat va huquqbuzarliklarning barvaqt oldini olish, jamoat tartibini saqlash hamda fuqarolar xavfsizligini ishonchli ta’minlash borasida ichki ishlar organlari tomonidan tizimli ishlar olib borilmoqda. Shu bilan birga, shaxsiy tarkib o‘rtasida xizmat intizomi va qonuniylikni mustahkamlash, xodimlarning mas’uliyati hamda xizmat vazifalariga yondashuvini oshirishga alohida e’tibor qaratilmoqda.

Xususan, Namangan viloyati IIB boshlig‘i huzurida videoselektor tarzida o‘tkazilgan muhokama yig‘ilishida joriy yilning o‘tgan besh oyi davomida amalga oshirilgan ishlar, erishilgan natijalar, yo‘l qo‘yilgan kamchiliklar va ularning sabablari tanqidiy-tahlil qilindi. Yig‘ilishda viloyat, shahar va tuman ichki ishlar organlari shaxsiy tarkibi ishtirok etib, sohaviy xizmatlar hamda hududiy bo‘limlar faoliyati ko‘rib chiqildi. Kamchiliklarga yo‘l qo‘ygan xodimlar qat’iy ogohlantirildi.

Yig‘ilish davomida mas’ul rahbarlarga kriminogen vaziyatni barqaror saqlash, jinoyat va huquqbuzarliklarning oldini olish bo‘yicha ishlarni kuchaytirish, xizmat intizomi va qonuniylikni mustahkamlash, fuqarolar bilan muloqotda xizmat madaniyati, xolislik va qonuniylik tamoyillariga qat’iy amal qilish, korrupsion holatlarga yo‘l qo‘ymaslik hamda mavjud kamchiliklarni qisqa muddatlarda bartaraf etish yuzasidan aniq topshiriqlar berildi.

Namangan viloyati IIB Axborot xizmati