Jizzax viloyati Sharof Rashidov tumanida xizmat uylari, obodonlashtirish va qurilish ishlari koʻzdan kechirildi
2026-06-01 11:15:00 / Yangiliklar
Jizzax viloyati IIB boshligʻi Sharof Rashidov tumanidagi “Kuyovboshi” MFY hududidagi Ichki ishlar organlari xodimlari uchun qurilgan namunaviy xizmat uylarida yaratilgan shart-sharoitlar hamda hududda olib borilayotgan obodonlashtirish ishlarini koʻzdan kechirdi.
Mazkur jarayonda xodimlar tomonidan barpo etilgan bogʻdagi koʻkalamzorlashtirish ishlariga eʼtibor qaratilib, koʻchatlarni parvarishlash va hududni yanada obod qilish masalalari muhokama qilindi. Shu kuni sohaviy xizmatlar xodimlarining hashar ishlariga ham eʼtibor qaratildi.
Shu bilan birga, hududda qurilishi davom etayotgan maktabgacha taʼlim muassasasi va mehmonxona obyektlaridagi ishlar oʻrganilib, masʼullarga qurilish sifatini taʼminlash va belgilangan muddatlarga rioya etish boʻyicha tegishli koʻrsatmalar berildi.
Jizzax viloyati IIB Axborot xizmati