Surxondaryo viloyati IIB tizimida ish yurituvi samaradorligini oshirishga qaratilgan oʻquv-seminar tashkil etildi
2026-05-31 14:05:00 / Yangiliklar
Surxondaryo viloyati IIB kotibiyati hamda uning quyi tizimlarida ish yurituvi holati atroflicha oʻrganilib, sohadagi mavjud kamchiliklarni bartaraf etish va faoliyat samaradorligini yanada oshirish maqsadida amaliy yordam koʻrsatildi.
Oʻrganish ishlari doirasida viloyat IIB sohaviy xizmatlari, Transport boshqarmasi va JIED shuningdek, tuman va shahar IIBlarida hujjatlar bilan ishlash tizimi tahlil qilinib, masʼul xodimlarga tegishli tavsiyalar berildi.
Shuningdek, Oʻzbekiston Respublikasi IIV Kotibiyati boshligʻi tomonidan Oʻzbekiston Respublikasi Vazirlar Mahkamasining tegishli qarorlari talablari asosida oʻquv-seminar tashkil etildi.
Tadbirda viloyat, tuman va shahar IIBlari kotibiyatlari, kanselyariya xodimlari hamda tegishli boʻlinmalar masʼullari ishtirok etishdi.
Seminar davomida, kanselyariyada ish yuritish holati, elektron hujjatlar aylanishi tizimi – “Doc.iiv.uz” platformasida hujjatlar bilan ishlash tartibi, xizmat intizomi va ijro nazoratini kuchaytirish masalalari muhokama qilinib, ustuvor vazifalar belgilab olindi.
Tadbir yakunida Surxondaryo viloyati IIB Tashkiliy boshqarma Kotibiyati boshligʻi, mayor Farhod Saidov sohada amalga oshirilishi lozim boʻlgan muhim chora-tadbirlarga toʻxtalib, belgilangan vazifalar ijrosini oʻz vaqtida va sifatli taʼminlash muhimligini taʼkidladi.
Mashgʻulotlar jarayonida ishtirokchilar xizmat faoliyati uchun zarur bilim va koʻnikmalarini mustahkamlash bilan birga, amaliyotda uchraydigan dolzarb masalalar yuzasidan tajriba almashishdi.
Bunday oʻquv-seminarlar xodimlarning kasbiy mahoratini oshirish, xizmat samaradorligini taʼminlash hamda jamoada huquqiy madaniyatni yuksaltirishga xizmat qiladi. Kelgusida ham mazkur yoʻnalishdagi oʻquv mashgʻulotlarini muntazam tashkil etish rejalashtirilgan.
Surxondaryo viloyati IIB Axborot xizmati